About
Јас сум Петр Николенко, по националност Русин, професионален свадбен фотограф, видеограф и FPV дрон пилот со повеќе од 15 години искуство. Мојата работа не е само професија – таа е мојата страст и начин на живот. Сакам преку фотографијата и видеото да раскажувам искрени љубовни приказни, да ги доловам вистинските емоции и да создадам спомени што траат вечно.
Мојот стил на фотографирање е природен, кинематографски и исполнет со емоции. Секогаш барам совршена светлина ,уникатни агли и моменти што ќе ја доловат суштината на љубовта. Најмногу уживам кога снимам во природни амбиенти – посебно покрај море и палми, планини и недопрени места, каде што често правам свадбени фото и видео сесии.
Моето хоби.
Освен фотографијата и видеото, мојата голема опсесија е авантуристичкиот животен стил. Сакам да патувам, да истражувам нови локации и да откривам совршени места за снимање. Возам VW Crafter КАМПЕР , што ми овозможува слобода и флексибилност да бидам каде што ме влече инспирацијата.
Мојот животен стил.
Мојот животен стил е комбинација на професионализам, креативност и авантура. Сакам минимализам и едноставност – и во работата и во секојдневието. Мојата канцеларија е уредена модерен, минималистички стил, каде што обработувам фотограгии видеа и се среќавам со клиенти. Верувам дека убавината е во деталите, а тоа се гледа и во мојата работа.
Живеам со идејата дека секој момент може да биде уметност , а секоја приказна – вредна за раскажување. Ако барате фотограф кој не само што ќе ја документира вашата свадба, туку и ќе ја претвори во безвременска уметност – тогаш вие сте на вистинското место.
